शनिबार रातिदेखि जीएसएम मोबाइल सेवामा समस्या देखिन सक्ने भन्दै नेपाल टेलिकमले सूचना जारी गरेको छ । सेवालाई फोरजीमा अपग्रेड गर्न लागेकाले समस्या देखिन लागेको हो ।

टेलिकमका अनुसार शनिबार राति ११.३० बजेदेखि मोबाइल सेवामा केही समस्या आउन सक्ने छ । टेलिकमले सिस्टममा फेरबदल भएपछि मोबाइलमा कुनै समस्या आएमा मोबाइल अफ गरेर पुनः अन गर्न कम्पनीले आफ्ना ग्राहकहरुलाई सुझाव दिएको छ ।

हाल टेलिकमको फोरजी सेवा विस्तारको काम भइरहेको छ । आगामी माघसम्म देशभर नै फोरजी सेवा विस्तार गर्ने सरकारी योजना छ । यसका लागि चिनियाँ कम्पनीहरुले काम गरिरहेको टेलिकमले जनाएको छ ।