केपी शर्मा ओलीको अनुपस्थितिका कारण कार्यकारी भूमिकामा रहेका नेपाल कम्युनिष्ट पार्टी (नेकपा)का अध्यक्ष प्रचण्डले सक्रियता बढाएका छन् । यसैक्रममा पार्टीको साङ्गठनिक एकता र अन्य निर्णयहरू गर्ने गरी उनले सोमबार (९ भदौ) सचिवालय बैठक बोलाएका छन् । सोमबार दिउँसो १ बजे पार्टी मुख्यालय धूम्रबाराहीमा सत्तारुढ नेकपाको बैठक बस्ने भएको छ ।
पार्टीका अध्यक्षसमेत रहेका प्रधानमन्त्री केपी शर्मा ओली स्वास्थ्य परीक्षणका लागि गत बिहीबार सिङ्गापुर प्रस्थान गरेपछि प्रचण्डले पार्टीको बैठक डाकेका हुन् ।
नेकपामा प्रवास कमिटी, महानगरहरूको नेतृत्व, पोलिटब्यूरो गठन, अन्य केन्द्रीय सदस्यहरूको कार्यविभाजनलगायत कार्यसूचीमा निर्णय हुन बाँकी छ । सोमबारको बैठकमा यिनै विषयमा छलफल हुने प्रचण्डका प्रेस संयोजक विष्णु सापकोटाले जानकारी दिएका छन् । बैठकमा यी विषयमा सहमति जुटेमा सोमबार नै यी विषय टुङ्गो लाग्ने उनको दाबी छ ।
प्रतिक्रिया