दश दिन लामो उपचारपछि गत सोमबार मात्र स्वदेश फर्किएका प्रधानमन्त्री केपी शर्मा ओली स्वास्थ्योपचारका लागि फेरि सिंगापुर जाने भएका छन् । उनी अस्तिको स्वास्थ्योपचारको फलोअपका लागि भदौ ५ गते बिहीबार सिंगापुर जान लागेका हुन् ।
गत उपचारको क्रममा सिंगापुरमा उपचार हुँदा उनलाई केही समय अझै बस्न डाक्टरले सुझाव दिएका थिए । यसपालि प्रधानमन्त्री ओलीलाई प्रयोग गरिएको औषधिको शरीरमा पर्ने प्रभाव हेर्न पनि चिकित्सकले उनलाई केही समय सिंगापुरमै रहन आग्रह गरेका थिए । तर, प्रधानमन्त्री ओलीले देशमा आफ्नो महत्वपूर्ण काम रहेको र आवश्यक परे फेरि आउने वचन दिएअनुसार चिकित्सकले उनलाई नेपाल फर्किने अनुमति दिएका थिए । तर, नेपाल फर्किने अनुमति दिएसँगै एक सातादेखि एक महिनाभित्र फलोअपका लागि सिंगापुर आउन पनि आग्रह गरेका थिए ।
पछिल्लोपटक प्रधानमन्त्रीले सेवन गर्ने गरेको औषधिले उनमा केही साइटइफेक्ट गरेको बताइन्छ । त्यसैले पनि उनी विलम्ब नगरी बिहीबार फलोअपका लागि सिंगापुर जान लागेको स्रोतले जनाएको छ ।
प्रतिक्रिया