नेपालकै ठूलो इपिएल फ्रेन्चाइज टोली काठमाडौ किंग्स एलेभेनले दोस्रो संस्करणको काठमाडौ किंग्स एलेभेन कर्पोरेट कप इन्डोर क्रिकेट प्रतियोगिता आयोजना गर्ने भएको छ । मुलुमा इन्डोर क्रिकेटको विकास, प्रवर्धन गर्नका लागि प्रतियोगिताको आयोजना गर्न लगिएको आयोजकले जानकारी गराएको छ ।

कुल १५ टोलि सहभागी रहेको प्रतियोगितामा विभिन्न मिडिया हाउस, बैंक, इन्सोरेन्स, दुरसंचार कम्पनि जस्ता कर्पोरेट हाउसले सहभागिता जनाउने छन् । प्रतियोगिताले काठमाण्डौ किंग्स एलेभेनलाई ठूलो नाम र पहिचान दिलाउन मद्दत गर्ने अपेक्षा गरिएको छ आयोजकले जनाएको छ ।

भाद्र २ देखि ७ गतेसम्म संचालन हुने प्रतियोगिताका सबै खेलहरु गोल्फुटार स्थित रोएल केसीटिसी इन्डोर क्रिकेटमा संचालन हुनेछन् । देश ओभरको इनिंग रहने प्रतियोगिताको हरेक टोलीमा ८ खेलाडी सहभागिता रहने छ ।

यसैबीच प्रतियोगिताको तयारीका जानकारी गराउन आयोजक काठमाण्डौ किंग्स एलेभेनले हालै राजधानीमा ‘मिट एण्ड ग्रिट’ कार्यक्रम सम्पन्न गरेको छ । सहभागी १५ टोलीका कप्तान र प्रतिनिधि सम्मिलित कार्यक्रमबाट प्रतियोगिताको विभाजनसंगै खेल तालिका समेत प्रकाशन गरिएको छ ।

लिग कम् नकआउटको आधारमा खेलाइने प्रतियोगितामा सहभागी १५ टोलीलाई ‘ए, बि, सी र डी’ गरि ४ समुहमा विभाजन गरिएको छ । जसअनुसार पहिलो चरणका खेलबाट हरेक समुहका शिर्ष २ टोली क्वार्टरफाइनलमा प्रवेश गर्नेछन् । क्वार्टरफाइनल पश्चातका सबै खेल नकआउट आधारमा खेलाइने छ ।

कार्यक्रममा काठमाण्डौ किंग्स एलेभेनले टोलीका डाइरेक्टर अफ क्रिकेट तथा राष्ट्रिय टोलीका पुर्व कप्तान र राष्ट्रिय महिला तथा यू–१९ टोलीका प्रशिक्षक बिनोद दासलाई सम्मान गरेको थियो । काठमाण्डौ किंग्स एलेभेनमा रहेर पु¥याएको योगदानको कदर गर्दै टोलीले दासलाई सम्मान गरेको हो ।

काठमाण्डौ किंग्स एलेभेनका प्रमुख कार्यकारी अधिकृतराज जंग थापाले टोलीमा बिनोद दास जोडीएपछि खेलाडीको मनोबलमा समेत टेवा पुगेको र टोलीको प्रदर्शनमा सुधार आउंदै गरेको बताएका थिए । काठमाण्डौ किंग्स एलेभेनलाई एक परिवारको रुपमा जोडेर राख्न दासको भूमिका ठूलो भएको थापाले बताए ।

गत सिजनको एभरेष्ट प्रिमियर लिगमा तेस्रो स्थान हासिल गर्न सफल रहेको काठमाण्डौ किंग्स एलेभेनको कप्तानी नेपाली राष्ट्रिय टोलीका अलराउन्डर सोमपाल कामीले गरेका थिए । टोलीमा सोमपालसंगै विश्व किर्तिमान राख्न सफल आयरल्याण्डका केभिन ओ ब्रायन, युएईका कप्तान रोहन मुस्तफा, आइपिएलको अनुभव बोकेका भारतका अलराउन्डर प्रदिप साहु जस्ता खेलाडीले प्रतिनिधित्व गरिसकेका छन् ।