अस्वीकार गरेको तीन घन्टामा दियो सन्दीपलाई अमेरिकाले भिसा



अमेरिकाले नेपाली क्रिकेटर सन्दीप लामिछानेलाई प्रवेशाज्ञा (भिसा) अस्वीकृत गरेको तीन घन्टापछि बोलाएर फेरि भिसा दिएको छ । मंगलबार बिहान क्रिकेटर लामिछानेलाई अमेरिकी दूतावासले भिसा अस्वीकार गरेको थियो ।

क्यारेबियन प्रिमियर लिग (सीपीएल) खेल्न क्रिकेटर लामिछानेले अमेरिकाको भिसा आवेदन गरेकोमा नेपालस्थित अमेरिकी दूतावासले उनको भिसा आवेदन रद्द गरेको थियो ।

अमेरिकी दूतावासले आफूले दिएको भिसा आवेदन अस्वीकार गरेको भन्दै सामाजिक सञ्जालमार्फत लामिछानेले नेपाल सरकारको ध्यानाकर्षण गराएका थिए ।

त्यसपछि दूतावासले लामिछानेलाई बोलाएर भिसासम्बन्धी निर्णय ‘रिभ्यु’ गर्न भन्दै पुनः बोलाएको थियो । ‘रिभ्यु’पछि उनलाई दूतावासले भिसा दिएको हो ।

प्रतिक्रिया