झाडीमा महिला मृत अवस्थामा फेला

झाडीमा महिला मृत अवस्थामा फेला


सूर्यविनायक नगरपालिकास्थित सिर्जनानगरको झाडीमा आइतबार एक शव भेटिएको छ । सिर्जनानगर बस स्ट्यान्डसँगैको सडक पेटीको भित्तामा घाँसेझाडीभित्र अन्दाजी ५० देखि ५५ वर्षकी महिला मृत अवस्थामा फेला परेको महानगरीय प्रहरी परिसर भक्तपुरका प्रमुख प्रहरी उपरीक्षक सविन प्रधानले जानकारी दिए ।

पहिचान खुल्न नसकेको मृतक महिलाको टाउकोमा चोट लागेको पाइएको जानकारी दिँदै उनले शव परीक्षणको रिपोर्टपछि मात्रै हत्या हो कि होइन थाहा हुने बताए । घटनाको भने प्रहरीले सूक्ष्म अध्ययन शुरु गरेको उनले जानकारी दिए ।