नेपाल–इटाली उद्योग वाणिज्य संघको काठमाडौंमा आज (१७ असार) सम्पन्न पाँचौँ वार्षिक साधारणसभाबाट नवराज ढकाल अध्यक्षमा निर्विरोध निर्वाचित भएका छन् । संघका पादधिकारीहरूमा विशिष्ट मानार्थ सदस्य राजेशकाजी श्रेष्ठ, वरिष्ठ उपाध्यक्ष ध्रुवकुमार श्रेष्ठ, उपाध्यक्ष अशोक शेरचन, महासचिव राजेन्द्र लाल श्रेष्ठ, कोषाध्यक्ष पवन अग्रवाल, सचिव मनोज श्रेष्ठ भडेल चयन भएका छन् ।

नवगठित कार्य समिति सदस्यमा अनिल दास श्रेष्ठ, कमल राज विष्ट, किसान सुनार,कृष्ण पौडेल, तिर्थ रोका, विनोद बस्नेत, विनोद सग्तानी, बासुमाया तमाङ्ग, विना प्याकुरेल, युगेश वादे श्रेष्ठ, सुमित कुमार वंशल, शम्भु कुमार लामा, शुसिल जैन, सञ्जय अग्रवाल, सुनिल शर्मा र राजेन्द्र बराल रहेका छन् ।

कार्यक्रममा नवनिर्वाचित अध्यक्ष नवराज ढकालले सबै उद्योगी व्यवसायीहरुको सहकार्य तथा राय सुझाबबाट संघका गतिविधिहरु प्रभावकारी रुपमा अगाडी बढाउने बताए । इटालीका विभिन्न संघ–संगठनहरुसँग सम्बन्ध विस्तार गरी व्यापारिक प्रतिनिधिमण्डलको आदानप्रदान, व्यापार मेलाहरुमा सहभागिता आदि कार्य गरी दुई देशबिचको आर्थिक तथा व्यापारिक सम्बन्धलाई प्रगाढ बढाउन प्रयास गर्ने उनले जनाए ।

नेपाल तथा इटालीबीचको आर्थिक, व्यापारिक, पर्यटन लगानीका लागि नेपाल इटाली उद्योग वाणिज्य संघको स्थापना भएको हो ।