केही दिनयता बढेको गर्मीका कारण कपिलवस्तु जिल्ला वाणगंगा नगरपालिकामा रहेका विद्यालय सोमबारदेखि तीन दिनका लागि बन्द हुने भएका छन् । अत्यधिक गर्मी बढेपछि दिनचर्यामा समेत समस्या भएकाले शिक्षक महासंघ नगर कमिटी, प्याब्सन नगर कमिटी र वाणगंगा नगर शिक्षा समितिको बैठकले सो निर्णय गरेको हो ।

यही असार ४ गतेसम्मका लागि सरकारी, निजी, सामुदायिक, धार्मिक विद्यालयका साथै मन्टेश्वरीमा गर्मी बिदा दिइएको वाणगंगा नगर शिक्षा अधिकृत खिमबहादुर जीसीले बताए ।