अमेरिका हिँडेका चौबिस आप्रवासी ग्वाटेमालामा पक्राउ





मध्य अमेरिकी मुलुक हैटी र गिनीबाट संयुक्तराज्य अमेरिकातर्फ हिँडेका २४ जना अवैध आप्रवासीलाई ग्वाटेमाला प्रहरीले पक्राउ गरेको छ ।

प्रहरी प्रवक्ता पाब्लो कास्टिल्लोले ग्वाटेमाला शहरको उत्तरी क्षेत्रको एक बस स्टेशनबाट उनीहरूलाई पक्राउ गरिएको खुलासाा गरेका एएफपीले जनाएको छ ।

आप्रवासीहरूले होन्डुरसबाट ग्वाटेमाला प्रवेश गर्ने गरी बसमा यात्रा गरेको बताइएको छ । प्रवक्ता कास्टिल्लोले पक्राउ परेकामा ६ जना महिना र एक जना बच्चा पनि रहेको बताए । पक्राउ परेकामध्ये २० जना हैटीका र चार जना गिनीका रहेका छन् ।

पक्राउ गरिएका सबै आप्रवासीलाई ग्वाटेमालाको राजधानीस्थित अस्थायी शिविरमा ल्याइएको प्रहरीले जनाएको छ ।

गत वर्ष मेक्सिको–अमेरिका सीमामा भेला भएका ठूलो संख्याका आप्रवासी ग्वाटेमाला हुँदै गएका थिए । अमेरिकी राष्ट्रपति डोनाल्ड ट्रम्पले आप्रवासीलाई नरोके अमेरिकी सहायता बन्द गर्ने चेतावनी दिएका छन् ।

गत शुक्रबार पनि प्रहरीले क्यामरुन र बुर्किनाफासोका १३ जना आप्रवासीलाई ग्वाटेमालाको सीमामा पक्राउ गरिएको थियो ।

प्रतिक्रिया