ओलम्पिक छनोटका लागि निर्णायक अशोक रुस जाने





तेक्वान्दोका अन्तर्राष्ट्रिय निर्णायक अशोक खड्का टोकियो पारा ओलम्पिक गेम्सका लागि हुने अन्तर्राष्ट्रिय निर्णायक छनोट तथा तालिम शिविरमा सहभागी हुन मे २५ तारिख रुस जाने भएका छन् ।

कार्यक्रम मे २७ देखि २९ तारिखसम्म रुसको मस्कोमा हुँदै छ । शिविरका लागि नेपालबाट छनोटमा पर्ने अशोक एक्लो हुन् । शिविरमा विभिन्न राष्ट्रका तीन सय ५२ जानको सहभागिता रहनेछ । त्यसमध्ये उत्कृष्ट ५२ जनालाई पारा ओलम्पिकमा निर्णायकको भूमिका निर्वाह गर्ने अवसर मिल्नेछ ।

अशोकलाई सफलताको शुभकामना दिँदै राष्ट्रिय खेलकुद परिषदका सदस्यसचिव केशवकुमार विष्टले सोमबार एक कार्यक्रमबीच बिदाइ गरे ।

प्रतिक्रिया