संसदमा पेस भएको मिडिया काउन्सिल विधेयक पारित भए पत्रकार रुनुपर्ने अवस्था आउने भन्दै मोरङका पत्रकारले आइतबार यसको विरोध गरेका छन् । सो विधेयकको विरोधस्वरूप प्रशासन परिसरमा आयोजित विरोध कार्यक्रममा उनीहरू रोएका छन् ।
नेपाल प्रेस युनियन मोरङ शाखाले आयोजना गरेको कार्यक्रममा सहभागी पत्रकार डाको छाडेरै करिब एक घन्टासम्म रोएका थिए । खबरदारीस्वरूप आजको विरोध प्रदर्शनमा रोएर व्यंग्यात्मक विरोध गरेको प्रेस युनियन मोरङका अध्यक्ष कुमार लुइँटेलले बताए । उनले भने, ‘विधेयक पारित भए पत्रकारलाई यथार्थमै रुने अवस्था सिर्जना हुनेछ ।’ यसै विषयलाई उठान गर्न उनीहरू सो कार्यक्रममा धरधरी रोएका हुन् ।
काम गर्दासमेत नियमित रूपमा तलब नपाइरहेको अवस्थामा यस विधेयकले पत्रकारमाथि थप चुनौती थपेको उनीहरूको भनाइ छ ।
प्रतिक्रिया