• अनन्तश्री राजगुरु तथा जगतगुरु वीरेन्द्र परमहंस ज्योतिषाचार्य

साताको विशेष चाड पर्व

शनिबार– पूर्णिमा व्रत, कूर्मजयन्ती, चण्डीपूर्णिमा, २५६३औं गौतमबुद्ध जयन्ती, गोरखनाथ जयन्ती, उभौलीपर्व ।

साता (४–१० वैशाख)को राशिफल

मेष राशि – शनिबार आरोग्यता बढ्ला । आर्थिक पक्ष बलियो बन्नेछ । धन–सम्पत्ति बढ्नेछ । साझेदारीको काम बन्नेछ । मिठो भोजन खान पाउनुहुनेछ । हांसविलासमा रुचि बढ्नेछ । लगानी बढ्नेछ । खेलकूद भ्रमणमा आकर्षण बढ्नेछ । भागदौड चलिरहला । सुख–सुविधाको वस्तु किन्नमा खर्च गर्नुहुनेछ । आइतबार र सोमबारतिर भागदौड व्यस्तता रहला, विवादमा पर्नु र अरुको भरमा बस्नु उचित हुनेछैन । जोखिमप्रति सचेत रहनुपर्नेछ । बौद्धिक र रचनात्मक कार्यमा सफलता प्राप्त होला । मंगलबार, बुधबार र विहीबार शुभ र भाग्यवर्द्धक काममा सफलता मिल्नेछ । शारीरिक र आर्थिक बल वृद्धि होला । सुख–आनन्दमा पनि रुचि बढ्ला । यात्रा होला । धर्म कर्ममा प्रवृत्ति बढ्ला । बोली र व्यक्तित्वको प्रभाव बलियो बन्ला । आर्थिक पक्ष सबल हुनुको साथै वार्तामा सफलता मिल्नेछ । भोजभतेरमा सहभागी हुनुसँगै मान–पुरस्कार पनि मिल्नेछ । शुक्रबार सुखशान्ति गौरव बढ्नेछ । ऋण, रोग र शत्रुलाई जित्ने सामर्थ्य बढ्नेछ । मनोकूलको काम बन्नेछ ।

बृष राशि – साताका प्रारम्भिक तीन दिन लाभदायक र अन्नधनवर्द्धक रहनेछन् । आयस्रोत बढ्ला । लगानी उठ्नेछ । रोकिएको काम बनाउन र आर्थिक पक्षसित सम्बन्धित काम बन्नेछ । दूरदेशबाट शुभ समाचार मिल्नेछ । आँट साहस पराक्रम बढ्नेछ । चतुर्थ, पाँचौं र छैठौं दिनमा घुमफिर गर्नुहुनेछ । हांसविलासमा आकर्षण बढ्नुको साथै सुख–सुविधाको वस्तु बढ्नेछ । बढी खर्चमाथि नियन्त्रण राखेर योजना बजेट बनाइ कार्य गर्नु हितकर रहला । जोखिमप्रति सचेत रहनुपर्ला । सातौँ दिनमा धन सम्पत्ति बढ्नुको साथै साझेदारीको काम बन्नेछ । आरोग्यता बढ्ला । मिठो भोजन खान पाउनुहुनेछ । धर्मकर्ममा प्रवृत्ति बढ्ला । शुभ काममा सफलता मिल्नेछ । मान महत्व सुख सम्पति बढ्नेछ । मिठो भोजन मिल्नेछ । रोगबाट छुटकारा मिल्नेछ । सन्तति–सुख बढ्नेछ । प्रेममा सफलता मिल्नेछ । बौद्धिक र रचनात्मक कार्य बन्नेछ ।

मिथुन राशि – साताको प्रारम्भिक चार दिनमा रोकिएको काम बन्नुको साथै नयाँ कार्यमा पनि सफलता मिल्नेछ । उन्नति–पदोन्नति हुनेछ । प्रेमको क्षेत्रसित सम्बन्धित कार्यमा सफलता मिल्नुसँगै मित्रवर्गको पनि सहयोग मिल्नेछ । भएको दायित्वलाई पुरा गर्नुसँगै नयाँ दायित्वको पनि प्राप्ति होला । बौद्धिक र रचनात्मक कार्य बन्नेछ । ऋण रोग र शत्रुसित लड्ने क्षमता बढ्नेछ । पाँचौं र छैठौं दिनमा आर्थिक प्रगति होला । आय बढ्ला । रोकिएको धन उठ्नेछ । कार्यव्यपारमा बढोतरी हुनेछ । यात्रा होला । आशा–उत्साह बढ्ला । हांसविलासमा आकर्षण बढ्नेछ । धनको लगानीप्रति सचेत रहनुपर्नेछ । लापर्वाही नगरी योजना बनाइ काम गर्नु उचित रहनेछ, तथापि आरोग्यता र धन सम्पत्ति बढ्नेछ । सातौं दिनमा जोखिममा नपर्नु हितकर होला । विवादमा नपरे बेस रहला ।

कर्कट राशि – साताको प्रारम्भिक दिन त्यति अनुकूल हुनेदेखिदैन । दोस्रो, तेस्रो, चौंथो र पाँचौं दिन शुभ र सफलतादायक रहनेछन् । मिठो भोजन मिल्नेछ । आरोग्यता बढ्ला । भाग्योदय होला । यात्रामा सफलता पाउनुहुनेछ । धर्म–कर्ममा आकर्षण बढ्नेछ । ख्याति फैलिनेछ । कार्यमा सफलता प्राप्त होला । बौद्धिक र रचनात्मक पक्षसित सम्बन्धित काम बन्नेछ । सुख समृद्धि बढ्नेछ । उन्नति–पदोन्नति हुनेछ । यश बर्चश्वमा वृद्धि हुनेछ । इष्टमित्रको सहयोग प्राप्त होला । छैठौं र सातौं दिनमा आयस्रोत बढ्ला । ऋण रोग र शत्रुमाथि विजय प्राप्त होला । धन मान सुख समृद्धि बढ्नेछ । रोकिएको काम बन्नुसँगै उधारो लगानी लगाइएको धन उठ्नेछ ।

सिंह राशि – साताको प्रारम्भिक दिनमा यात्रा होला । शुभ र भाग्यवर्द्धक काम बन्नेछ । मान–पुरस्कार पाउनुहुनेछ । धर्मकर्ममा प्रवृत्त रहनुहुनेछ । मान–पुरस्कार प्राप्त होला । आय वृद्धि होला । लगानी उठ्नेछ । यात्रा होला । आशा उत्साह बढ्नेछ । दोस्रो, तेस्रो र चौथो दिनमा अनावश्यक खर्च र यात्रा हुने सम्भावना रहनेछ । विवादमा पर्नु र अरुको भरमा बस्नु उचित हुनेछैन । पाँचौं, छैठौँ र सातौं दिनमा कर्मपथमा अग्रसरता बढ्ला । नयाँ सफलता मिल्नेछ । आफन्तको सहयोग समर्थन मिल्नेछ । उन्नति–पदोन्नति हुनेछ । प्रेममा सफलता मिल्नेछ । इष्टमित्र र सन्तानको सुख मिल्नेछ । वार्तामा सफलता मिल्नेछ । मान–पुरस्कार प्राप्त होला । मिठो भोजन मिल्नेछ ।

कन्या राशि – साताका प्रारम्भिक तीन दिन शुभ र सफलताकारक रहनेछन् । साझेदारीसित सम्बन्धित काम बन्नेछ । रोकिएको काम बन्नेछ । सुख सम्पति बढ्ला । मिठो भोजन मिल्नेछ र आरोग्यता बढ्ला । भाग्यवर्द्धक काम बन्नेछ । यात्रा होला । ख्याति फैलिनेछ । धर्म–कर्ममा आकर्षण बढ्नेछ । चौंथो, पाँचौं र छैठौं दिनमा भागदौड व्यस्तता रहला । अनावश्यक यात्रा र खर्च बढ्ने सम्भावना रहनेछ । स्वास्थ्यमा ध्यान राख्नुपर्नेछ । विवादमा लाग्नु र अरुको भरमा बस्नु उचित हुने छैन । सातौँ दिनमा बौद्धिक र रचनात्मक कार्य बन्नेछ । प्रेममा सफलता प्राप्त होला ।

तुला राशि – साताको आरम्भिक दिनमा शुभता बढ्नेछ । खेलकूद र भ्रमणमा आकर्षण बढ्नेछ । साताका अन्य दिनहरु धन यश मान महत्ववर्द्धक रहनेछन् । आरोग्यता बढ्ला । यश बर्चश्व बढ्नेछ । सुख सम्पति बढ्नेछ । रोकिएको काम बन्नुको साथै नयाँ कार्यमा सफलता पनि मिल्नेछ । मिठो भोजन मिल्नेछ र कार्यव्यापारमा उन्नति हुनेछ । अन्तिम दिनमा अरुको भरमा बस्नु र विवादमा पर्नु उचित हुनेछैन । संयम र विवेकले काम गर्नु बेस रहला ।

वृश्चिक राशि – साताको प्रथम दिनमा भागदौड खर्च बढ्ला । अन्य दिनहरुमा बौद्धिक र रचनात्मक कार्य बन्नेछ । हांसविलासमा आकर्षण बढ्नेछ । सुख सम्पति बढ्नुसँगै प्रेमको पथमा प्रगति होला । इष्टमित्र सन्तान सुख बढ्नेछ । मध्यतिर आरोग्यता बढ्नेछ । विजयश्री मिल्नेछ । ऋण रोग र शत्रुसित लड्ने प्रतिरोधात्मक क्षमता बढ्नेछ । अन्तिम दिनहरुमा सुख समृद्धि बढ्नेछ । साझेदारीको कार्य बन्ला । उन्नति–पदोन्नति हुनेछ । मिठो भोजन मिल्नेछ । कार्यव्यापारमा सफलता मिल्नेछ । ख्याति फैलिनेछ ।

धनु राशि – साताको प्रारम्भिक दिनमा देखापरेको समस्याको समाधान मिल्नेछ । आयस्रोत बढ्ला । लगानी उठ्नेछ । सुख शान्ति बढ्नेछ । दोस्रो र तेस्रो दिनमाअरुमाथि बढि भरनपरी आफ्नै बल–विवेकले काम गर्नु उचित रहला । विवाद आदिमा नपर्नु बेस रहला । चौंथो, पाँचौं र छैठौं दिनमा पारिवारिक सुख शान्ति बढ्नुसँगै इष्टमित्रसित पनि राम्रो रहनेछ । कला, साहित्य, गीत–संगीत, बौद्धिक, रचनात्मक आदिसित सम्बन्धित काममा सफलता मिल्नेछ । प्रेमपात्रसित भेटघाट होला । खेलकुद भ्रमणमा आकर्षण बढ्ला । सातौं दिनमा आरोग्यता बढ्ला । आर्थिक पक्ष बलियो बन्नेछ । विजयश्री मिल्नेछ । रोकिएको काम बन्नुसंगै नयाँ कार्यमा पनि सफलता मिल्नेछ । मिठो भोजन मिल्नेछ ।

मकर राशि – साताको शुरुवाती तीन दिन शुभ र सफलता दायक रहनेछन् । विकासको नयाँ सम्भावना देखा पर्ला । सुख शान्ति बढ्नेछ । यात्रा होला । आँट–पराक्रम बढ्नेछ । उन्नति–पदोन्नति हुनेछ । उच्चाधिकारीको सहयोग मिल्नेछ । इष्टमित्रको सहगोग प्राप्त होला । चौंथो, पाँचौं र छैठौं दिनतिर देखापरेको समस्याको समाधान मिल्नेछ । भागदौड चलिरहला तर प्रयास र परिश्रमको मिठो फल अवश्यै मिल्नेछ । सातौं दिनमा मान महत्व बढ्नुसँगै ख्याति फैलिनेछ । आयस्रोत बढ्ला । लगानी उठ्नेछ । मित्रमिलन हुनेछ । प्रेममा सफलता मिल्ला । सुख शान्ति मिल्नेछ । आर्थिक र रचनात्मक कार्य पनि बन्नेछ । हांसविलासमा आकर्षण बढ्नेछ । लगानी बढ्ला ।

कुम्भ राशि – साताको आरम्भिक दुई दिनमा नियमकानूनको साथ मिल्नेछ । शुभ र भाग्यवर्द्धक काम बन्नेछ । शारीरिक र आर्थिक जोखिममा नपर्नु उचित हुनेछ । यसपछिका तीन दिनमा बोली र व्यक्तित्वको प्रभाव बलियो बन्ला । वार्तामा सफलता मिल्नेछ । आर्थिक पक्ष बलियो बन्नेछ । सभा–समारोहमा मान पुरस्कार प्राप्त होला । यात्रामा सफलता मिल्नेछ । धन यश ऊर्जा उत्साह बढ्ला । लेखन–प्रकाशनसित सम्बन्धित काम साहसिक काम आदि क्षेत्रमा सफलता मिल्नेछ । ऐश्वर्य बढ्ला । साथीभाइको साथ मिल्नेछ । छैंठौं दिनमा आयस्रोत बढ्ला । दिनमा भागदौड चलिरहला । सम्पति बढ्नेछ । लगानी उठ्नेछ । आर्थिक पक्ष बलियो बन्नेछ । हुन त कार्यमा सफलता मिल्ला तर बढी प्रयास र परिश्रम गर्नुपर्नेछ । सुख–आनन्द ऐश्वर्य वृद्धि होला । सातौं दिनमा खर्च बढ्ला ।

मीन राशि – साताको सुरुको दिन मिश्रित फलदायक रहला । जोखिमप्रति सचेत रहनु हितकर रहला । अन्य दिनहरु अत्यन्तै शुभ र भाग्यवर्द्धक रहनेछन् । मान यश सुख समृद्धि बढ्नेछ । यश बर्चश्व बढ्ला । उन्नति–पदोन्नति हुनेछ । आर्थिक वार्तामा सफलता मिल्ला । सभा–समारोहमा मान पुरस्कार मिल्नेछ । विकासको नयाँ सम्भावना देखापर्ला । आशा उत्साह बढ्नेछ । कार्यव्यपारमा सफलता मिल्नुसँगै सुख ऐश्वर्य पनि वृद्धि होला । राजकीय क्षेत्रसित सम्बन्धित काम बन्नेछ । उच्चाधिकारीहरुको सहयोग समर्थन मिल्नेछ ।