थामिएन शेयर बढ्ने क्रम, बिहीबार १५ अंकभन्दा बढीले वृद्धि

थामिएन शेयर बढ्ने क्रम, बिहीबार १५ अंकभन्दा बढीले वृद्धि


लगातार बढ्दै आएको शेयर बजारमा बिहीबार पनि सोही क्रम जारी रह्यो । नेपाल स्टक एक्सचेञ्जका अनुसार आज पनि शेयर बजार दोहोरो अंकले वृद्धि भएको छ । कुल १५.२२ बिन्दुले बजार बढेर एक हजार २३२.२६ बिन्दुमा पुगेको छ ।

यस्तै ठूला कम्पनीको शेयर कारोबार मापन गर्ने सेन्सेटिभ परिसूचक ३.९९ बिन्दुले बढेर २६५.५६ बिन्दुमा पुगेको छ । कुल १६५ कम्पनीको २४ लाख ६४ हजार १६५ कित्ता शेयर रु ७५ करोड १२ लाख हजार ७६४ मूल्यमा खरिद–बिक्री भए ।

कारोबार भएका कुल दश उपसमूहमध्ये चार उपसमूहको शेयर भने घटेको छ । यस्तै ६ उपसमूहको शेयर भने बढेको छ । स्टकका अनुसार जलविद्युत् ६.१४, वित्त ३.९७, निर्जीवन बिमा १३.३२ र जीवन बिमा २५.०१ बिन्दुले घटेको छ । यस्तै बैंकिङ २५.३५, होटेल १६.३६, विकास बैंक ०.७२, उत्पादन १०.५७, अन्य १.१९ र लघुवित्त १२ बिन्दुले बढेको छ । आज कुमारी बैंकको सबैभन्दा बढी कारोबार भएको छ ।

सो बैंकको रु. आठ करोड ५८ लाख दुई हजार ५३०, प्रभु बैंकको रु. चार करोड ४७ लाख सात हजार २३९, नेपाल बैंक लिमिटेड रु. चार करोड २० लाख ६४ हजार ३१३, एनएमबी बैंकको रु. तीन करोड ६१ लाख ३२ हजार १६७, छिमेक लघुवित्त विकास बैंक रु. दुई करोड ९९ लाख २१ हजार ६४३ बराबरको कारोबार भई शीर्ष स्थानमा रहे । स्टकका अनुसार बिहीबार नेपाल एसबीआई बैंकका शेयरधनीले ६.६५ प्रतिशतले कमाए ।

यस्तै नेपाल कम्युनिटी डेभलपमेन्ट बैंक ५.३०, लक्ष्मी बैंक ५.०५, नबिल बैंक ४.७९, ग्रन डेभलपमेन्ट बैंकका शेयरधनीले ४.७२ प्रतिशतले कमाए । त्यस्तै माउन्टेन हाइड्रोपारका शेयरधनीले ५.९४, वल्र्ड मर्चेन्ट बैंकिङ एण्ड फाइनान्स ५.८८, कालिका लघुवित्त वित्तीय संस्था ५.४७, तारागाउँ रिजेन्सी होटलका शेयरधनीले ४.९५ प्रतिशतले गुमाए ।