बम निष्क्रिय पार्दा घाइते बनेका सैनिकलाई काठमाडौं पठाइयो

पोखरामा नेत्रविक्रम चन्द (विप्लव) समूहद्वारा राखिएका बम निष्क्रिय पार्ने क्रममा घाइते भएका सैनिकलाई थप उपचारका लागि काठमाडौं लगिएको छ ।

सो बमबाट कालीभञ्ज्याङ गण रत्नमन्दिर पोखराका नायक धर्मबहादुर थापाको देब्रेहातको हत्केलामा क्षति भएको छ । उनको प्रारम्भिक उपचार पोखरास्थित फिस्टेल अस्पतालमा गरिएपछि थप उपचारका लागि काठमाडौं पठाइएको प्रहरी नायब उपरीक्षक रवीन्द्रमान गुरुङले जानकारी गराए ।

नेत्रविक्रम चन्द (विप्लव) समूहले बिहीबार पोखराको नदीपुरस्थित प्रदेश सभानजिकको सडकको छेउमा सो बम राखेको थियो ।

rss

प्रतिक्रिया