रक्सी खाएर बसमा आगजनी गर्ने माझी प्रहरी नियन्त्रणमा





मोरङको उर्लाबारी नगरपालिका–७ स्थित मालबासे पेट्रोलपम्पनजिक सोमबार बिहान रोकिराखेको बसमा आगजनी गर्ने एक व्यक्तिलाई प्रहरीले पक्राउ गरेको छ ।

उर्लाबारी इलाका प्रहरी कार्यालयका प्रहरी निरीक्षक रामप्रसाद तिमल्सिनाका अनुसार बिहान साढे ३ बजे सो स्थानमा राखिरहेको ना.४ख ४९ नम्बरको बसमा आगजनी गर्ने सर्लाही घर भई उर्लाबारी–७ मा बस्दै आएका ३७ वर्षीय रामहरि माझीले मादकपदार्थ सेवन गरेर बसमा आगजनी गरेको बयान दिएका छन् । उनको साथबाट एक थान लाइटर बरामद भएको छ ।

प्रतिक्रिया