तरकारी बजारसमीप खडा रहेको एक प्रहरी भ्यानलाई लक्षित गरी भएको बम आक्रमणमा पाकिस्तानमा एक प्रहरी जवानसहित सोह्रको मृत्यु भएको छ । पाकिस्तानको बलोचिस्तान प्रान्तको राजधानी क्वेटास्थित हजारगञ्ज क्षेत्रमा रहेको तरकारी बजारमा स्थानीय समयअनुसार बिहान ८ बजे उक्त बम विष्फोट गराइएको एएफपीले जनाएको छ । घटनामा करिव तीस जना घाइते भएका छन् ।
व्यस्त तरकारी बजारमा आलुको बोरामा लुकाएर राखिएको बम विष्फोट भएको बताइएको छ । विष्फोटमा ज्यान गुमाउनेमा अधिकांश अल्पसङ्ख्यक हजारा मुसलमान रहेका छन् ।
पाकिस्तानमा तालिबान र इस्लामिक स्टेट आतंककारी समूहले बेला बेला अल्पसङ्ख्यक हजारा मुस्लिम समुदायलाई लक्षित गरी आक्रमण गर्दै आएका छन् । आजको विष्फोटको जिम्मा भने अहिलेसम्म कसैले लिएको छैन ।
प्रतिक्रिया