लामो समयदेखि प्रतिक्षा गरिएको आठौँ राष्ट्रिय खेलकूद यही चैतको तेस्रो साताभित्र शुरु हुने पक्का भएको जनाइएको छ । नेपालगञ्ज रङ्गशालामा पूर्वाधार निर्माणका काम लगभग सकिएको र विशिष्ट पाहुना बस्ने प्यारापिटको सामान पनि सोमबार नेपालगञ्ज पुग्ने भएकाले चैत २१ देखि २५ गतेभित्र औपचारिक शुभारम्भ हुने आठौँ राष्ट्रिय खेलकूदका प्रचार संयोजक रोहित दाहालले जानकारी दिएका हुन् ।

आइतबार नेपालगन्जमा सञ्चारकर्मीसँगको छलफलमा संयोजक दाहालले यही चैत १० गतेसम्म राष्ट्रिय खेलकूद परिषद्को बैठक बसी मिति तोकिने बताए । राष्ट्रिय खेलकूदको शुभारम्भ राष्ट्रपति विद्यादेवी भण्डारीबाट गरिने योजना छ । बाँके, बर्दिया, दाङलगायतका ठाउँमा राष्ट्रिय खेल हुनेभए पनि उद्घाटन र समापनसहित अधिकांश खेल नेपालगञ्जमा हुनेछन् ।