आँखा शिविरमा १०२ को शल्यक्रिया

आँखा शिविरमा १०२ को शल्यक्रिया


नेपाल चेम्बर अफ कमर्स डोटी शाखाले आयोजना गरेकोे आँखाको निःशुल्क शल्यक्रिया शिविरमा १०२ लाभान्वित भएका छन् । चैत १ गतेदेखि पाँच दिनसम्म सञ्चालन हुने उक्त शिविरमा दुई दिनमै १०२ जनाको शल्यक्रिया गरिएको आयोजक संस्थाका अध्यक्ष खगेन्द्रबहादुर साउदले जानकारी दिए ।

उनका अनुसार गत फागुन १७ देखि २७ गतेसम्म सञ्चालित निःशुल्क आँखा शिविरमा शल्यक्रिया गर्नुपर्ने बिरामीको आँखाको शल्यक्रियाका लागि सो शिविर सञ्चालन गरिएको हो । जिल्ला अस्पताल, च्यारिटी हेल्थ फाउन्डेसन, चोपडा अस्पताल, शैलेश्वरी अस्पताल, धनगढी नेत्रालय र प्रदेश सरकारले सो शिविरमा सहयोग गरेका छन् ।

आँखा शिविरपछि पुनः शल्यक्रिया शिविर आयोजनाले यहाँका बासिन्दा खुसी भएको स्थानीयवासी डबल साउदले बताए । उनले भने, ‘सामान्य आँखा जाँचका लागि पनि यहाँका बासिन्दा कैलालीको गेटा जानुपथ्र्यो, तर चेम्बरले गाउँमै निःशुल्क शल्यक्रिया गरेकाले पैसो बच्यो, आँखा पनि देख्न पाइयो ।’ उक्त शिविरमा अहिले आँखा जाँच गराउन आउनेको भिड लागेको पिपल्लाका व्यापारी रामबहादुर विष्टले बताए ।