गत माघ २३ गते पक्राउ परेका पार्टीका चार नेता रिहा भएपछि नेपाल कम्युनिस्ट पार्टीको लुम्बिनी ब्युरोले आव्हान गरेको फागुन ८ को लुम्बिनी बन्द कार्यक्रम फिर्ता गरिएको छ । विप्लव नेतृत्वको नेकपाका लुम्बिनी ब्युरो इन्चार्ज वीरजंगले आज (७ फागुन मंगलबार) एक विज्ञप्ति जारी गर्दै बन्द फिर्ताको जानकारी गराएका हुन् ।

आफ्नो पार्टीको नेताहरुलाई विनाकारण हिरासतमा राखेर नियोजित रुपमा झुट्टा मुद्दामा फसाउने षडयन्त्र गरिएको भन्दै नेकपाले रुपन्देही, कपिलवस्तु, नवलपरासी, नवलपुर, गुल्मी, पाल्पा र अर्घाखाँची जिल्ला बन्द (लुम्बिनी बन्द)को आव्हान गरेको थियो ।

दुई साताअघि पक्राउ परेका चार नेताहरु नेकपाका लुम्बिनी व्यूरो सदस्य एवं गुल्मी जिल्ला इन्चार्ज पुर्णवहादुर सिंह, सेक्रेटरी खिमबहादुर खड्का, अर्घाखाँची जिल्ला पार्टी सचिवालय सदस्य पिताम्बर पोखरेल र अभियानयात्री टुकलाल पुन दश दश हजार धरौटीमा आज (मंगलबार) अर्घाखाँचीको सन्धिखर्कमा रिहा भएका छन् ।

हेर्नुहोस् वीरजंगको विज्ञप्ति-