घटना र विचार साप्ताहिकको वर्ष–२० अङ्क ४४ (२०७२ वैशाख ३०) मा प्रकाशित ‘नेपाल प्रहरीमा करोडौँ भ्रष्टाचार…’ शीर्षकको समाचारप्रति नेपाल प्रहरीको गम्भीर ध्यानाकर्षण भएको छ । नेपाल प्रहरी भीड नियन्त्रण ईक्वीपमेन्टका लागि विगत १८ महिनायता त्यस्तो कुनै पनि टेण्डर आह्वान गरी खरिद प्रक्रियामा गएको छैन । उक्त समाचारले आमजनमानसमा प्रहरी सङ्गठनकै छविमाथि नकारात्मक असर पार्ने भएकोले तथ्यहीन समाचारको नेपाल प्रहरी खण्डन गर्दछ । यस्ता संवेदनशील विषयमा जानकारी नलिई–नदिई भविष्यमा समाचार प्रकाशन नगरिदिन सम्बन्धित पक्षसँग नेपाल प्रहरी अनुरोध गर्दछ ।
– प्रहरी नायब महानिरीक्षक कमलसिंह बम (केन्द्रीय प्रहरी प्रवक्ता)