विश्वमै ठूलो बैंक मानिएको एचएसबीसीको सन् २०१८ को नाफामा १६ प्रतिशतले वृद्धि भई करिब २० अर्ब डलर पुगेको छ । बैंकद्वारा मंगलबार जारी वक्तव्यमा उक्त नाफा करबाहेकको रकम रहेको जनाइएको छ ।
वर्षको अन्तिम चौमासिक अवधिमा चुनौतीपूर्ण बनेको बाह्य वातावरणका बाबजुद बैंकको नाफा सकारात्मक रहेको बैंकको भनाइ छ । मुख्य व्यावसायिक गतिविधि एसियामा केन्द्रित गरेको एचएसबीसी बैंकका प्रमुख कार्यकारी अधिकृत जोन फ्लिन्टले संयुक्त राज्य अमेरिका र चीनबीचको व्यापार तनावकै बीचमा पनि बैंकलाई प्रतिस्पर्धात्मक बनाइने प्रतिबद्धता जनाएका छन् ।
बैंकले सन् २०१८ को अक्टोबर–डिसेम्बरबीच ४ दशमलव ४ अर्ब डलर आम्दानी हुने पूर्वानुमान गरे पनि त्यसमा केही कमी भएर ३ दशमलव ३९ अर्ब डलर भएको थियो ।
प्रतिक्रिया