बेइजिङमा जारी चीन–अमेरिका व्यापार वार्ता आगामी हप्ता वासिंटनमा हुनेगरी टुंगिएको चिनियाँ राष्ट्रपति सी चिन फिङले शुक्रबार बताएका छन् । ‘व्यापार वार्ताका लागि दुई पक्षबीच पुनः आगामी साता वासिंटनमा भेट हुनेछ,’ सीले अमेरिकी तथा चिनियाँ वार्ताटोलीका उच्च प्रतिनिधिसँगको भेटमा बताए ।

वार्ताका लागि अमेरिकी टोली बेइजिङ आएको र दुई दिन लामो वार्ता विवादका केही विषयमा छलफल गरी टुंगिएको छ । यस पहिले चिनियाँ टोली अमेरिका पुगी विवाद समाधान प्रयास गरेको थियो । वासिंटनमा भएको वार्ता सकारात्मक भएको भन्दै दुई देशका उच्च नेताले यस अघि प्रतिक्रिया दिएका थिए ।

उनले भने, ‘मैले विश्वास गरेको छु दुवै समूहले कडा मिहिनेत गर्नेछन् साथै व्यापारबारे देखिएका असमझदारीलाई आपसी लाभ र दुवै मुलुकको जित हुने सहमतिमा पु¥याउनेछन् ।’