इजरायलका एक पूर्वमन्त्रीलाई इरानको लागि जासुस गरेको आरोपमा एघार वर्षको जेल सजाय सुनाउने तयारी भएको त्यहाँको न्याय मन्त्रालयले जानकारी दिएको छ ।

गोनेन सेगेभ नामक यी मन्त्रीले गम्भीर रूपमा गुप्तचरी गर्दै सूचनाहरू इरानलाई दिएको मन्त्रालयद्वारा प्रकाशित विज्ञप्तिमा जनाइएको छ ।

जेल सजाय आगामी फेब्रुअरी ११ दिनमा सुनाइने प्रकाशित समाचारमा जनाइएको छ । सेगेभले सन् १९९५ बाट १९९६ सम्म ऊर्जा र निर्माणमन्त्रीको पद सम्हालेका थिए । यसअघि अन्य अपराधहरूको आरोपमा पनि सेगेभले सजाय भोगिसकेका प्राप्त समाचामा जनाइएको छ ।

सन् २००४ मा करिब ३० हजार नशालु ट्याबलेट तस्करी गरेको र इजरायलबाट नेदरल्यान्डमा जान समयसीमा नाघेको राहदानीको प्रयोग गरेको आरोप उनीमाथि लागेको थियो ।