नेपाल कम्युनिस्ट पार्टी (नेकपा)को नामलाई निर्वाचन आयोगले आधिकारिकता दिएको विरोध गर्दै नेपाल कम्युनिस्ट पार्टीका अध्यक्ष ऋषि कट्टेलले सर्वोच्च अदालतमा रिट निवेदन दायर गरेका छन् ।

अध्यक्ष कट्टेलले एउटै नाममा अर्को दल दर्ता गरेको भन्दै सर्वोच्चमा आज (शुक्रबार) दायर गरेको निवेदनमा आफूले पहिला दल दर्ता गरेको र कोष्ठमा नेकपा नै उल्लेख रहेकाले अर्को पार्टीको दल दर्ता कानुनविपरीत भएको उल्लेख छ ।

आयोगले गत असोज ९ गते तत्कालीन नेकपा (एमाले) र नेकपा (माओवादी केन्द्र)बीच एकतापछि बनेको दल नेपाल कम्युनिस्ट पार्टी (नेकपा) लाई वैधानिकता दिएको थियो । सो निवदेनमाथि यही मंसिर २४ गते पेशी तोकिएको छ ।