हुकिङ गरी विद्युत् चुहावट नियन्त्रण गर्न छड्केमा सिरहा नगरपालिका–१३ स्थित गमहरिया फूलबरिया पुगेको विद्युत् प्राधिकरण वितरण केन्द्र सिरहाका दुई कर्मचारीमाथि स्थानीयले कुटपिट गरेका छन् ।
विद्युत् चोरी नियन्त्रण गर्न गए राति पुगेको टोलीलाई देख्नेबित्तिकै भेला भएका स्थानीवासीले विद्युत् प्राधिकरणका सिनियर मिटररिडर कामेश्वर कुसियत र सहायक अरुण यादवलाई कुटपिट गरेका हुन् ।
फूलबरिया गमहरियाको एक घरमा मिटर वाइपास गरी पहिले चुहावट गरिरहेको सूचनाको आधारमा छड्केमा पुगेको विद्युत् कर्मचारीमाथि कुटपिट गरेको विद्युत् प्राधिकरण वितरण केन्द्र सिरहाका प्रमुख अवधेशकुमार दुवेले जानकारी दिए ।
स्थानीयवासी पवितर यादव, घुरन यादव, श्याम ठाकुरलगायतको समूहले कुटपिट गरेको घाइते कर्मचारीले बताए । घाइते अरुणलाई सिरहा अस्पतालमा उपचारपछि घर फर्काइएको छ । सिनियर मिटर रिडर कुसियतको विराटनगरस्थित न्युरो हस्पिटलमा उपचार भइरहेको नेपाल विद्युत् प्राधिकरण सिरहा वितरण केन्द्रका प्रमुख दुवेले जानकारी दिए । कुटपिट गर्नेलाई मुद्दा चलाउने तयारी भइरहेको छ ।
प्रतिक्रिया