कराते खेलाडी पर्शुराम बाँस्तोला १९औँ वार्षिक सातो कपमा सहभागी हुन कात्तिक २८ गते बुधबार क्यानडाको भेन्कुभर प्रस्थान गरेका छन् ।
३५ राष्ट्रको सहभागिता रहने प्रतियोगिता नोभेम्बर १७ तारिखमा हुनेछ । उनले एकल कातामा नेपालको चुनौती प्रस्तुत गर्नेछन् । त्यस्तै प्रशिक्षकमा मुकेश बरुवाल रहेका छन् । बरुवाल नोभेम्बर ११ तारिखमै क्यानडा पुगिसकेको पर्शुरामले जनाएका छन् । बरुवाल मकाउबाट क्यानडा गएका हुन् ।
पर्शुरामलाई राष्ट्रिय खेलकुद परिषद्का सदस्य एवं नेपाल कराते महासंघका अध्यक्ष दावा गुरुङले बुधबारै बिदाइ गरेका हुन् ।
प्रतिक्रिया