भीमेश्वरलाई प्याब्सन टिचर्स फुटबल उपाधि

2 Shares

भीमेश्वरले प्रथम एन प्याब्सन टिचर्स फाइभ ए साइड फुटबल प्रतियोगिताको उपाधि जितेको छ । काँडाघारीस्थित अर्किड स्कुलमा भएको फाइनल खेलमा भीमेश्वरले पिस प्वाइन्टलाई ५–० गोलले पराजित गरेको हो । भीमेश्वरका लागि सपन बस्नेतले ह्याट्रिक गरे भने कृष्णगोपाल श्रेष्ठले २ गोल थपेका थिए ।

राष्ट्रिय निजी तथा आवासीय विद्यालय एसोसिएसन नेपाल (एन प्याब्सन) कागेश्वरी मनोहरा नगर कमिटीद्वारा आयोजित प्रतियोगिताको विजेता भीमेश्वरले २० हजार र उपविजेता पिस प्वाइन्टले १० हजार नगद पुरस्कार हात पारे ।

त्यसअघि असोज २४ गते बुधबार भएको सेमिफाइनलमा भीमेश्वरले पाणिनीलाई २–१ तथा पिस प्वाइन्टले एक्मीलाई ३–२ गोलले हराउँदै उपाधि भिडन्त पक्का गरेका थिए । भीमेश्वर र पाणिनी दुवै पेनाल्टी सुटआउटमा विजयी भएका थिए ।

विजेतालाई आयोजक कमिटीका अध्यक्ष अमृत खड्का, कोषाध्यक्ष प्रेमकुमार भुजेल, एन प्याब्सन प्रदेश नं. ३ का उपाध्यक्ष प्रकाश खड्का, अर्किडका प्रिन्सिपल चोलिन्द्रबहादुर कार्कीलगायतले एक कार्यक्रमबीच पुरस्कृत गरे । दुईदिने नकआउट प्रतियोगितामा १६ टिम सहभागी थिए ।

समापनका अवसरमा अध्यक्ष खड्काले विद्यालयका शिक्षकबीचको भाइचारा सम्बन्धलाई अझ प्रगाढ बनाउने उद्देश्यले प्रतियोगिता आयोजना गरिएको बताए ।

2 Shares

प्रतिक्रिया