विश्व सोतोकान च्याम्पियनसिपमा नेपाली खेलाडी

7 Shares

गणतन्त्र माल्दोभा राज्यको चिसिनाउ शहरमा आयोजना हुने २६औँ गिनसिन फुनाकासी विश्व सोतोकान (एसकेडीयूएन) च्याम्पियनसिप तथा ११औँ कोहाई विश्व च्याम्पियनसिपमा सहभागी हुन जाने ७ सदस्यीय नेपाली सोतोकान टोलीलाई असोज २३ गते मंगलबार अध्यक्ष धिर्जेमान तामाङले बिदाइ गरेका छन् ।

संघका महासचिव गोविन्द श्रेष्ठको नेतृत्वमा विश्व च्याम्पियनसिपमा सहभागी हुन जाने नेपाली टोलीमा एक अफिसियल र ६ खेलाडी रहेका छन् । महासचिव श्रेष्ठले च्याम्पियनसिपमा समेत प्रतिस्पर्धा गर्नेछन् । उनले ६० केजीमुनिको तौलमा प्रतिस्पर्धा गर्नेछन् । अफिसियलमा विष्णुभाइ श्रेष्ठ रहेका छन् । यस्तै खेलाडीहरूमा रामनारायण श्रेष्ठ ५० केजीमुनि, लाक्पा लामा पाख्रिन ६० केजीमुनि, ७० केजीमुनिमा चित्रप्रसाद श्रेष्ठ र जलबहादुर थापा मगर तथा ७५ केजीमुनिमा फुर्पा लाक्पा शेर्पा रहेका छन् ।

च्याम्पियनसिप अक्टोबर १२ देखि १४ सम्म सञ्चालन हुनेछ । टोली असोज २४ गते बुधबार त्यसतर्फ प्रस्थान गर्ने कार्यक्रम रहेको छ ।

7 Shares

प्रतिक्रिया