हिजो गोली प्रहार गरी हत्या गरिएका सुनसरीका खुर्सिद अन्सारीको हत्याको छानबिन गर्न गृह मन्त्रालयले आज एक समिति गठन गरेको छ ।
१ प्रदेश प्रहरीका वरिष्ठ उपरीक्षक (एसएसपी) किशोर दाहालको संयोजकत्वमा गठन गरिएको समितिका अन्य सदस्यमा १ नम्बर प्रदेशका आन्तरिक मामिला तथा कानुन मन्त्रालयका उपसचिव रवीन्द्र आचार्य, सशस्त्र प्रहरी बलका उपरीक्षक (एसपी) रमेशकुमार थम्सु, राष्ट्रिय अनुसन्धान विभागका अनुसन्धान उपनिर्देशक तुलसी प्रसाईं र जिल्ला प्रशासन कार्यालय सुनसरीका प्रशासकीय अधिकृत राजन पाण्डे रहेका छन् ।
समितिले १५ दिनभित्र छानबिन गरी प्रतिवेदन बुझाउने समय पाएको छ ।
प्रतिक्रिया