गृहमन्त्री रामबहादुर थापाले ठूला माछाको संज्ञा दिइएका सून तस्करीहरु पक्राउ परिसकेको दाबी गरेका छन् ।
मंगलबार संघीय संसदको दिगो विकास तथा सुशासन समितिको बैठकमा गृहमन्त्री थापाले सून तस्करीका लागि लगानी गर्ने लगानीकर्ता पत्ता लागिसकेको बताउँदै ती मध्ये केही फरार रहेको समेत जानकारी गराए ।
पछिल्लो ३–४ वर्षमा ३८ क्वीन्टल सुन तस्करी भएको पाइएको र यी घटनामा एउटै समूह सक्रिय रहेको मन्त्री थापाको धारणा थियो । तस्करीको सञ्जाल ध्वस्त पार्न सरकार सफल भएको मन्त्री थापाको दाबी थियो । उनले नेपालमा राजतन्त्र फर्काउन चाहनेहरु पनि सक्रिय बनेको चर्चा गरे ।
मन्त्री थापाले वैठकलाई प्रहरीको संघीय संरचना बनाउन काम सुरु भैसकेको जानकारी दिए । विगतमा प्रहरीको सरुवा, बढुवामा राजनीति हुने गरेको उल्लेख गर्दै मन्त्री थापाले अब त्यसो हुन नदिने बताएका छन् ।
प्रतिक्रिया