विद्यार्थीको विश्वास जित्दै अष्ट्रेलियाको सिड्नी सिटी कलेज

34 Shares

राजन घिमिरे

केही समययता आएर अन्य क्षेत्र जस्तै शिक्षा क्षेत्रमा पनि प्रवासमा रहेका नेपालीहरूले लगानी गर्ने क्रमले बढावा पाउन थालेको छ । यसअनुसार अष्ट्रेलियामा पनि पछिल्लो समय नेपालीहरूको लगानीमा कलेज खुल्ने क्रम बढेको छ ।

यस क्रममा एक वर्षअघि सञ्चालनमा आएको सिड्नी सिटी कलेज अफ मेनेजमेन्टले आफ्नो स्थापनाको एक वर्ष पुरा गरेको छ । सिड्नीको पारामाटामा रहेको यो कलेजले गत शनिबार एक विशेष कार्यक्रमको आयोजना गरेर आफ्नो स्थापना वर्ष मनायो ।

रन्जु वाग्ले थापा र नरेश थापाले सञ्चालन गरेको सो कलेजले शनिबार आफ्ना मिहेनती र जेहेन्दार कर्मचारीहरू सागर लोहनी, क्लाउडीया भियरा, अर्जिना जोशी र कुलदीप प्रधानलाई सम्मान गर्यो । यसैगरी सिड्नी सिटी कलेज अफ मेनेजमेन्टले कार्यक्रममा अन्तरर्राष्ट्रिय गोल्ड मेडलिष्ट खेलाडी अशोक खड्कालाई सम्मान गर्नुका साथै उनको ऐकेडेमीलाई सहयोग स्वरूप ५०० अष्ट्रेलियन डलर सहयोग गर्यो ।

एक वर्षको अन्तरालमा आफ्नो कलेज विद्यार्थीहरूको मन र विश्वास जित्न सफल भएको कुरा कलेजकी सीईओ रन्जु वाग्ले थापाले बताइन् । तीन सय विद्यार्थीबाट शुरू भएको सो कलेजको क्षमता अहिले ५०० पुगिसकेको छ भने स्किल र स्तरीय शिक्षा आफ्नो प्रतिबद्धता रहेको कलेजका प्रिन्सिपल नरेश थापाले सुनाए । ‘ब्यवहारिक र रोजगारीमूलक शिक्षालाई हामीले प्रमुख रूपमा अगाडि बढाइरहेका छौँ । दक्ष विद्यार्थी उत्पादन गर्नु हाम्रो उद्देश्य हो’– कलेजकी सिईओ रन्जुले बताइन् ।

यतिबेला कलेजमा आइटी, एकाउन्टिङ, बिजनेश, लिडरशिप मेनेजमेन्ट र ह्यूमन रिसोर्स विषयमा अध्यापन गराइन्छ । कलेजमा नेपाली, बंगाली, चाइनिज, पाकिस्तानी, भारतीय, कोरिएन र भियतनामी विद्यार्थीले अध्ययन गरिरहेका छन् ।

34 Shares

प्रतिक्रिया