गोरखापत्रका प्रधानसम्पादक साहित्यकार निर्मलकुमार आचार्यको नयाँ कृति ‘बिर्सनै नहुने कृष्णप्रसाद’ सार्वजनिक भएको छ । ‘बिर्सनै नहुने कृष्णप्रसाद’मा ०७ सालपूर्वका निर्वाचित जनप्रतिनिधि, जमानाका पुस्तक व्यवसायी तथा प्रकाशक, राणाकालदेखिकै कानुन व्यवसायी, सय वर्षअघिका प्रहरी कृष्णप्रसाद आचार्यका व्यक्तित्व तथा कृतित्वका सम्बन्धमा प्रकाश पारिएको छ ।

कृष्णप्रसाद आचार्य (१९५१–२०४५)को जीवनीमूलक कृति भए तापनि तत्कालीन राजनीति, न्याय, प्रहरी, प्रकाशन, विज्ञापनलगायतका विभिन्न सन्दर्भ यसमा समाहित रहेका छन् । तत्कालीन इतिहास चिहाउन कृतिले सहयोग पु¥याउने देखिन्छ । यसअघि लेखक आचार्यका प्रथम नेपाली महिला, गर्गगोत्री आचार्य वंशावली (सम्पादन÷सहलेखन), सांस्कृतिक सेरोफेरो, मनको ओखती (गीतसङ्ग्रह), १०१ प्रथम नेपाली महिला (पूरकखण्ड), मेदिनीस्मृति (योग, ज्ञान र ओखतीमूलो), अग्रणी महिला र सांस्कृतिक सौरभ (सहसम्पादन) कृति प्रकाशित छन् ।