यौन शोषणको आरोपमा पक्राउ परेका नेपाल पत्रकार महासंघका रुकुम जिल्ला अध्यक्ष गणेश विक पुर्पक्षका लागि कारागार चलान भएका छन् ।

जिल्ला अदालत रुकुम (पश्चिम)का न्यायाधीश काजीबहादुर राईको एकल इजलासले उनलाई पुर्पक्षका लागि थुनामा राख्ने आदेश दिएको जिल्ला अदालतका श्रेष्तेदार तेजप्रसाद पौडेललाई उद्धृत गर्दै राससले जनाएको छ ।

चिन्तन उपनामले समेत चिनिने विक त्रिवेणी गाउँपालिकाकी एक युवतीलाई जबर्जस्ती करणी गरेको अभियोगमा पक्राउ परेका थिए । आफूलाई जबर्जस्ती करणी गरेको भनी ती युवतीले प्रहरीमा उजुरी दर्ता गरेपछि विकलाई गत जेठ २२ गते प्रहरीले पक्राउ गरी कानुनी प्रक्रिया अघि बढाएको थियो ।