पूर्व–पश्चिम राजमार्गअन्तर्गत सप्तरीको सीतापुरमा आइतबार मोटरसाइकल दुर्घटनामा परी एकजनाको मृत्यु भएको छ ।
मृत्यु हुनेमा जिल्लाको अग्निसाई कृष्णसवरण गाउँपालिका– २ बस्ने मोटरसाइकलचालक ३५ वर्षीय गुणराज कट्टेल रहेको प्रहरी उपरीक्षक मुकेशकुमार सिंहले जानकारी दिए ।
त्यस्तै, सोही दुर्घटनामा परी मोटरसाइकलको पछाडि सवार ४० वर्षीय लालबहादुर तामाङ घाइते भएका छन् । घाइते तामाङलाई उपचारका लागि विराटनगरस्थित न्युरो अस्पतालमा पठाइएको छ ।
पूर्व–पश्चिम राजमार्गमा स.१ त४४९३ नं. को रोकी राखेको ट्याक्टरमा कट्टेल सवार अनटेस्ट लेखिएको मोटरसाइकलले पछाडिबाट ठक्कर दिएको थियो ।
प्रतिक्रिया