गिता राना मगर, पोखरा

चीनको जीउयान गुलिन शहरको ग्वाङ्जी जुुवाङमा हुने इन्टरनेश्नल ऱ्याफ्टिङ इलाइट च्यालेन्जमा सहभागिताका लागि नेपाल एशोसियसन अफ ऱ्याफ्टिङ एजेन्सीज (नारा) को टोली चीन जाने भएको छ । चिनको जीउयान गुलिनको ग्वान्जी झुवाङ स्थित औपाइ नदीमा आगामी २७ जुनदेखि जुलाइ १ सम्म हुने इन्टरनेश्नल ऱ्याफ्टिङ इलाइट च्यालेन्जमा सहभागी हुन नाराको टोली आगामी शनिबार चीन जाने भएको हो ।

नाराका अध्यक्ष निमबहादुर मगरको संयोजकत्वमा सुनिल गुरुङ क्याप्टेन रहने गरी लिलबहादुर गुरुङ, जीवन मगर, प्रदिप मगर र शिव अधिकारी चीन जाने भएका हुन् । प्रतियोगितामा १६ राष्ट्रका २० टीमले सहभागीता जनाउने र खुल्ला महिला र खुल्ला पुरुष गरी दुइ विद्यामा प्रतियोगिता सञ्चालन हुने नाराका अध्यक्ष निमबहादुर मगरले जानकारी दिए । ऱ्याफ्टिङ प्रतियोगितासँगै वर्लङ ऱ्याफ्टिङ कंग्रेस सम्मेलन र स्ट्याण्ड अप प्याडलका कार्यक्रममा समेत नेपाली टोलीले सहभागिता जनाउने छ ।

प्रतियोगिताको उपाधी जित्नेले २५ लाख ५ हजार प्राप्त गर्नेछन् । यसअघि अघिल्लो पटक चीनको ल्हासामा चाइना तिब्बत माउण्टेरिङ एशोसियसन र चाइना तिब्बत वाटर स्पोर्टस ब्युरोले आयोजना गरेको नेपाल चाइना फ्रष्ट फ्रेण्डशिप ऱ्याफ्टिङ च्याम्पियनसीप २०१७ नेपालले कायकमा पहिलो र ऱ्याफ्टिङमा दोश्रो स्थान हासिल गर्न सफल भएको थियो ।