उत्तरी भारतीय राज्यमा चार दिनदेखि जारी भारी वर्षापछिको बाढीमा परी कम्तीमा एघार व्यक्तिको मृत्यु भएको अधिकारीहरूले बताएका छन् ।

उत्तरी भारतीय राज्य आसाम, त्रिपुरा, मणिपुरमा जारी यस प्रकोपमा परी ११ व्यक्तिको मृत्यु हुनुको साथै हजारौँको सङ्ख्यामामा विस्थापित भएका छन् । उक्त वर्षापछिको बाढीमा परेर कैयौँ नागरिक बेपत्ता भएका छन् । तर, के–कति मात्रामा उनीहरू हराएका छन् भन्नेबारेमा खोजी सुरु भएको छ ।

आसाम राज्यका कैयौँ जिल्लामा भारी वर्षापछि बाढी आएको उक्त राज्यका प्रकोप व्यवस्थापन निकायका एकजना अधिकारीले जानकारी दिएका छन् । यस राज्यमा तीन व्यक्तिको मृत्यु हुनुको साथै अन्य ३६ हजार विस्थापित भएका पनि उनले जानकारी दिएका छन् ।

त्यसैगरी त्रिपुरा राज्यमा यस प्रकोपमा परी कम्तीमा तीन व्यक्तिको मृत्यु हुनको साथै अन्य १५ हजार घरबारविहीन भएका अधिकारीहरूले जानकारी दिएका छन् । मणिपुर राज्यमा जारी भारी वर्षापछिको बाढीको कारण राजधानी इम्फाललगायत राजधानीसँग जोडिएका जिल्लामा सरकारले बिदा दिएको छ ।

रासस