नेपाल फेन्सिङ सङ्घको आयोजना तथा नेपाल ओलम्पिक कमिटीको सहयोगमा दक्ष प्रशिक्षक उत्पादन गर्ने उद्देश्यले ओलम्पिक सोलिडारिटी टेक्निकल कोर्स फर कोचेज इन फेन्सिङ सम्पन्न भएको छ ।

६ दिने कोर्समा १५ प्रशिक्षार्थी सहभागी थिए । प्रशिक्षार्थीलाई अन्तराष्ट्रिय फेन्सिङ महासङ्घका विज्ञ प्रशिक्षक फ्रान्सेली नागरिक मि. ताहोनले प्रशिक्षण दिएका थिए । सांसद एवम् नेपाल ओलम्पिक कमिटीका अध्यक्ष जीवनराम श्रेष्ठले सहभागीलाई एक कार्यक्रमबीच प्रमाणपत्र प्रदान गरेका थिए ।